Hər şeyi bilən! Öyrədən! Dinləyən! Danlayan! Qəhrəmanımız!
Dostumuz! Söhbət yoldaşımız! Bəzən haqqımızdakı ən kiçik nəsnələri belə bilən, bəzən xəbərsiz! Hərşeyimiz! Özümüz!
Bizə vicdanın, məsuliyyətin, sevginin, imanın, insanlığın nə
demək olduğunu anladan
İstər kiçikkən, istər indi, həm yanlış, həm doğrumuzda bizi
qarşısına alıb böyük bir insanmışıq kimi fikir mübadiləsi aparan, sözümüzü səbrlə
dinləyən, istəklərimizi anlamaq üçün bizim yaşımıza qədər enən anlayışlı
adam.
Bizə üzülənin üzüntüsü, sevinənin xoşbəxtliyini paylaşmağı,
xəstəni ziyarət etməyi, kimsəsizi tez-tez yoxlamağı, uşaqları sevindirməyi təbliğ
edən
Öz səhvlərindən bizi xəbərdar edib vaxtında uyaran, biz səhv
etdikdə dərs almamızı, önümüzə baxmamızı, simamıza gülüşümüzü qaytarmağımızı məsləhət
edən adam.
Haramdan uzaq durmağa çağıran, sərvət deyil dost biriktirməyi
anladan, insanlığı hər şeyin üzərində tutmağı, vicdanının, insani dəyərlərin
qarşılığının olmadığını qulağımıza sırqa edən adam.
Bizi belə böyütdüyün üçün sənə minnətdaram ata.
Bəlkə
də gündəlik qayğılarla vuruşmaqdan vaxt tapıb deyə bilmirəm. Amma eşitməyəcəyin qədər gec də qalmaq istəmədim.
Səninlə
hər söhbətimiz sonradan bir şəkli tamamlayacaq puzzle`ın ayrı-ayrı hissəcikləri
kimi idi. İndi o söhbətlərin hansı yola çıxdığını, hansı şəkili
formalaşdırdığını görəndə anlayıram ata. Bu şəkil üçün də minnətdaram.
İlk dəfə
ağladığını görəndə (Ə. Elçibəyin dəfni) sarsılan uşaq kimliyim adına da minnətdaram
ata. Məni, ataları da ağlada biləcək dəyərlərin varlığına inandırdığın üçün də
minnətdaram.
Hər
ortamda, hər mühitdə utanan, sıxılan kimliyinin olmasına rəğmən verdiyim hər qərarda
yanımda durduğun, mənə hər addımımda güvəndiyin üçün də minnətdaram ata.
O qədər
uzanar ki, bu minnətdarlıq siyahısı
Əllərindən
öpürəm ata. Əmək qoxan əllərindən!
İnsanlara
sağlığında təşəkkür etməyi öyrətdiyin üçün elə birinci sənə təşəkkür edirəm!
No comments:
Post a Comment